O xulgado de instrución 1 de Lugo acabada de dar por finalizada, co seu auto de transformación en procedemento abreviado, unha investigación que comezou en 2017, coa desaparición dun tractor nunha nave de Nadela. Os axentes localizaron posteriormente o vehículo nunha granxa de Cariño, e a pista levounos ata a nave de maquinaria agrícola e forestal de segunda man que Eloy Castro tiña entón na entrada de Ceao.
Segundo explicaron a estas diario fontes coñecedoras do caso, Castro, que ten múltiples condenas por fraudes e estafas relacionados coa venda de vehículos e decenas de denuncias pendentes, presentou aos axentes unha especie de contrato de compra do vehículo no que aparecía a firma e o carné de identidade do vendedor.
Este resultou ser un coñecido tratante de chatarra, sen ningún antecedente por roubo e practicamente analfabeto. Cando foi detido, explicou que acudía regularmente a por chatarra á nave de Eloy Castro e que este lle dixo un día que a Xunta non lle deixaba darlle máis chatarra se non lle presentaba o carné de chatarreiro autorizado, o DNI e lle asinaba un documento, que firmou sen lelo. Ese documento resultou ser o contrato de compra-venda do tractor.
O ministerio fiscal tamén solicita dous anos de prisión para o acusado de roubar o tractor que logo foi vendido por Eloy Castro
En calquera caso, o ministerio público decide tamén no seu escrito de acusación solicitar dous anos de prisión para este home polo roubo do vehículo. No entanto, solicita a mesma pena para Castro, acusado dun delito de receptación. O mesmo delito polo que acusa o comprador final da máquina, aínda que para este reclama só un ano de cárcere.
TRAXECTORIA. A Garda Civil detivo e interrogou a Eloy Castro en relación con este caso a finais de marzo de 2017, xusto cando estaba inmerso noutra investigación por unha denuncia por usurpación de marca que a multinacional John Deere interpuxera contra el por utilizar o seu nome e o seu logotipo sen autorización para facer pasar a súa nave de maquinaria usada como posto de venda oficial da marca.
Castro abandonou a nave da N-VIN para trasladar o seu negocio a un local na Avenida de Madrid, onde proseguiu coa compra-venda de vehículos usados, sobre todo a través de internet. Este método fixo que deixase vítimas de supostas estafas e denuncias diseminadas por media España.
A finais do pasado mes de maio, o xulgado do Penal 2 de Lugo ditou unha orde de busca e captura contra el despois de que non se presentou no centro penal para cumprir unha condena. Desde entón atópase en paradoiro descoñecido, aínda que algunhas fontes sitúano en Portugal. Alí, en Chaves, establecera a sede de Additional Moment LDA, a firma coa desde hai uns anos realizaba boa parte das súas operacións de compra-venda.
