Martes. 22.01.2019 |
El tiempo
Martes. 22.01.2019
El tiempo

Educación non acredita que un profesor losquease a un alumno de Casás

Unha aula baleira. EP
Unha aula baleira. EP

Familiares doutro menor deste colexio denuncian que nas fotografías de grupo que realiza unha empresa externa aparece un neno, con discapacidade, "apartado" dos seus compañeiros de clase

A denuncia presentada polos familiares de un escolar de 9 anos de idade ao que supostamente lle deu unha labazada un profesor do colexio Casás parece que non prosperará.

O 20 de decembro dúas tías do menor presentaron un escrito na Xunta denunciando os feitos. A xefatura territorial de Educación abriu entón o preceptivo expediente.

A inspectora asignada tomou testemuño ao profesor, a outros docentes e a compañeiros do alumno.

Todos ofrecen a mesma versión. Aseguran que, durante un intercambio de clase, o profesor mediou na pelexa entre dous escolares e que ao tratar de separalos golpeou accidentalmente a un deles na cara.

Un grupo de pais de alumnos deste colexio atribúen estas incidencias "ao mal funcionamento" do centro

A falta do informe definitivo da inspectora, que este venres solicitou os últimos testemuños, todo parece indicar que a xefatura territorial de Educación arquivará o expediente.

DISCRIMINACIÓN. Familiares doutro alumno deste colexio da capital lucense tamén puxeron en coñecemento de Educación que nas fotografías de grupo que realiza unha empresa externa aparece un alumno, con discapacidade, "apartado" dos seus compañeiros de clase, tras ser tratada a instantánea con photoshop.

Solicitan que destrúanse todas as fotografías porque aseguran que este caso fixo "moito dano" ao menor, que sofre "pesadelos".

Un grupo de pais de alumnos deste colexio atribúen estas incidencias "ao mal funcionamento" do centro desde que está de baixa a súa directora. Recordan ademais que impugnaron os resultados das eleccións ao Consello "Escolar por irregularidades".

Educación non acredita que un profesor losquease a un alumno de Casás
Comentarios