O dono dun taller mecánico da capital lucense sorprendeu a un home roubándolle un trade e retívoo ata que chegou a Policía Local.
Os feitos sucederon sobre as catro e media da tarde do martes, cando un indicativo de Policía de Barrio acudiu a un taller mecánico de rúa Mar Cantábrico, despois de que unha persoa chamase á Sala do 092 para denunciar un home intentara subtraer ferramentas no seu negocio.
Unha vez no lugar, os axentes comprobaron que o dono do taller tiña inmobilizada a unha persoa. Segundo explicoulles o home, fora un momento á parte traseira do local e, ao regresar, o suposto cliente pedíralle uns alicates, pero o responsable do taller observou que tiña unha bolsa á entrada do establecemento, onde introducira un trade que collera das instalacións. O dono da ferramenta pediuna explicacións e o home intentou marcharse, pero o afectado impediullo e chamou á Policía.
Cando chegaron os axentes, o home que estaba retido recoñeceu que a bolsa era súa, pero non soubo explicar a procedencia do trade nin dun prolongador de electricidade que había no interior da mesma. A Policía Local identificou ao home e instruíu as dilixencias oportunas.
