O Domingo das Mozas preveíase abarrotado e os prognósticos cumpríronse. Tanto o recinto feiral como o casco histórico de Lugo fóronse enchendo cada vez máis, ata ofrecer a imaxe do San Froilán de antano, coas rúas cheas.
Tras unha xornada —a do sábado— na que se rexistraron esperas de ata unha hora para gozar das atraccións do feiral, este domingo as ringleiras bateron récords. As forzas e corpos de seguridade percorreron o recinto feiral durante todo o día para evitar incidentes, pero todo transcorreu con normalidade.
► En Vídeo: Un paseo por Lugo no Domingo das Mozas
Ao mesmo tiempo, no casco histórico, atopar unha mesa libre nunha terraza tamén resultaba complicado. Así, nenos e maiores gozaron dun Domingo das Mozas animado polo son das gaitas e pandeiretas e engalanado polos numerosos lucenses e visitantes que optaron por vestir o traxe tradicional.
Esta é tamén a xornada da ofrenda a Rosalía de Castro, a cargo nesta ocasión da xornalista, escritora e artista Nieves Neira Roca. Realizou unha coidada posta en escena, con movemento, poesía, fotografía e música.
No menú musical, os pratos fortes da noite servíronos dúas voces moi personais, as de Guadi Galego e Ángel Stanich.
#EnVídeo 🎶 Guadi Galego comparte as súas 'Costuras', o seu quinto álbum en solitario, na Praza de Santa María de #Lugo 🎉 #SanFroilán
— El Progreso de Lugo (@elprogreso_Lugo) October 10, 2021
📹 VICTORIA RODRÍGUEZ pic.twitter.com/6Eztbn9YqZ
#EnVídeo 🎶 Ángel Stanich toma con su rock alternativo la Praza da Horta do Seminario de #Lugo 🎉 #SanFroilán
— El Progreso de Lugo (@elprogreso_Lugo) October 10, 2021
📹 VICTORIA RODRÍGUEZ pic.twitter.com/5Eq2VINvzY
