“Busquei o proxecto no que máis podía achegar e metinme. Estiven nun antes pero non se impulsou moito e ao final acheguei na aplicación Copris deseñando a súa interfaz dun xeito que sexa funcional e demostre que é unha idea que se pode aplicar durante o proceso de recuperación desta crise”. Ten 19 anos pero Ángel López explica o seu último fin de semana coma se levase toda a vida dedicado ao mundo da informática e as convencións hacker.
“Está a encantarme a experiencia porque, ademais de axudar e colaborar en algo que é necesario e pode axudar, vexo como funciona todo este mundo”.
López foi un os participantes máis activos na Hackathon virtual que convocou a Comunidade de Madrid o pasado fin de semana. Trátase dunha convención, explica este lucense, “que se fai cada certo tempo na que se xuntan investigadores, desarrolladores, universitarios, empresas e corporacións para debater sobre retos e brechas de ciberseguridad”. A convención estaba xa planificada, pero debido á pandemia do coronavirus, se redigirió para a procura de solucións aplicables no día día unha vez finalice o estado de alarma.
“Aproveitando toda esta situación trasladouse e fíxose virtual”, apunta. Ao longo do sábado e do domingo puxéronse en marcha un total de 256 proxectos a través da plataforma Taiga, unha ferramenta online para que desarrolladores e programadores poñan en común os seus proxectos e delimiten os seus obxectivos de xeito sinxelo e práctica, explica este lucense.
A app Copris utiliza un sistema de geolocalización a través dos dispositivos móbiles a cuxos datos só poderían acceder as autoridades correspondentes
“Deses 256 hoxe van elixir 15 que serán seleccionados para ser impulsados por organismos privados, que poden ser multinacionais como Google ou IBM, ou administracións públicas e universidades”, explica.
En concreto. Ángel López participou no proxecto dunha aplicación chamada Copris que “rexistra, mediante formularios de autoavaliación, os posibles positivos entre a poboación”, aclara. A app permite facer un seguimento diario dos síntomas para que os servizos sanitarios realicen unha avaliación precisa dos casos e localicen as zonas de máis risco.
“Os datos recompílanse e pásanse a unha base de datos da administración pública para dous obxectivos: informar os casos, do fluxo de xente infectada e non infectada; e para representar un mapa, un diagrama de dispersión, no que aparecen as zonas de alto e baixo risco, para que as persoas saiban se están en lugares de posible contaxio ou non”.
Para iso, a app Copris utiliza un sistema de geolocalización a través dos dispositivos móbiles a cuxos datos só poderían acceder as autoridades correspondentes. “Hai un apartado de asesoría legal no que deixamos claro que toda esta información só sería accesible para a administración e para fins de saúde pública. Ademais son datos encriptados con identificador aleatorio”, indica.
“O deseño foi cousa miña pero o fun compartindo con todos os do equipo para ir corrixindo o que fose necesario”
A súa participación neste proxecto se dividiu en varios apartados, pero a súa presenza centrouse máis no deseño da interfaz da aplicación e no seu prototipo funcional. “O deseño foi cousa miña pero o fun compartindo con todos os do equipo para ir corrixindo o que fose necesario”, indica López.
Un equipo formado por 15 persoas, desde o mánager, pasando por profesionais da informática, biomédicos e CEOs de empresas que hoxe saberán se o seu proxecto é un dos seleccionados.
