A Deputación Provincial ha formalizado a cesión gratuíta do edificio onde se atopa o centro asociado da Uned en Lugo, na Tolda de Castela, á propia institución académica por un período de 49 anos.
O acordo foi asinado este venres no Pazo de San Marcos polo presidente da Deputación de Lugo, José Tomé, e o vicerreitor de centros asociados da Uned, Jesús de Andrés Sanz.
Dese modo, explicou o goberno provincial aos medios de comunicación, a Uned contará "con máis autonomía" para xestionar a súa propia sede en Lugo, pero a cambio a institución académica comprométese a manter en perfecto estado “de conservación as instalacións”, ademais de asumir “os gastos dos servizos necesarios para o seu funcionamento”.
A xunta reitora da Uned en Lugo, presidida por José Tomé, acordou este venres ampliar a oferta educativa do centro asociado con tres novos graos para o curso 2022-2023: Educación Infantil, Ciencias Ambientais e Enxeñería da Enerxía.