Un total de dezasete empresas optarán a levar a cabo as obras de construción do novo centro integral de saúde do barrio da Residencia, que se situará no antigo Hospital Materno-Infantil. Hai tres meses, a Xunta habilitou o crédito para acometer a licitación das obras por 12 millóns de euros. Á súa vez, o anuncio da licitación foi publicado polo Diario Oficial da Unión Europea o pasado 26 de xuño.
O centro integral de saúde disporá dunha superficie construída de máis de 8.000 metros cadrados en seis plantas e albergará un centro de saúde, un punto de atención continuada (PAC), unha área de saúde mental e unha base do 061.
O prazo das obras é
No segundo piso, emprazaranse os consultorios relacionados coa saúde da muller e outras consultas médicas do centro de saúde e da PAC, así como despachos para o persoal. No resto das plantas, irán a zona de fisioterapia e rehabilitación, outra área médica e outra de docencia.
Este centro de saúde integral absorberá aos pacientes da zona, que agora están a ser atendidos no centro de saúde da Milagrosa. Ademais, tamén está contemplado que se faga unha residencia de anciáns no antigo Hospital Xeral, un centro de emprendemento, unha central de biomasa e unha oficina de emprego. Tamén se está pendente de que Interior confirme ou non se vai levantar a nova comisaría da Policía Nacional na zona.
Pola súa banda, prevese a creación de prazas de parking e incluso a apertura dunha nova rúa por onde antes estaba a cafetería do Xeral, aínda que é moi probable que se trate dun tramo peonil.
DERRUBO. Á súa vez, os traballos de demolición do antigo Xeral están a avanzar a bo ritmo e, en principio, parece que poderían estar listos para outubro, tal e como se previu. A partir de aí, espérase que en xaneiro do ano que vén dean comezo as obras de rehabilitación do Materno.