A Garda Civil detivo no municipio de Lugo a tres veciños da capital luguesa de 22, 25 e 32 anos de idade como presuntos autores dun delito de furto de material metálico pola subtracción de material nas obras dunha estrada das Nogais.
Os detidos supostamente están implicados nun delito de furto de material que se utiliza habitualmente nas obras de estradas, sinalou a Benemérita.
Estes feitos tiveron lugar o pasado mes de outubro nunhas obras que se realizaban na estrada N-VI, no termo municipal das Nogais. Foi localizado o material subtraído á venda nun establecemento comercial situado na localidade da Coruña.
As persoas detidas foron postas a disposición xudicial, indicaron as mesmas fontes.