Tres mozos de 20 anos de idade foron detidos pola Policía Nacional pola agresión sufrida o pasado fin de semana por outro na Rúa Nova a capital lucense. A vítima, que foi trasladada ao Hula, precisou 17 puntos de sutura na cabeza.
Os feitos tiveron lugar na madrugada do pasado sábado, cando discutiron dous grupos de mozos, que estaban celebrando a gradación de bacharelato, tras realizar a proba da Abau. Un deles losqueou a outro. Entón a vítima mediou para que a situación non fose a máis.
A continuación un dos detidos golpeoulle na cabeza cunha botella de cristal. Cando o mozo caeu ao chan, os outros dous arrestados propináronlle patadas.
Durante a agresión á vítima roubáronlle unha chaqueta na que levaba un teléfono móbil, diñeiro e outros efectos persoais.
Os tres mozos quedaron en liberdade, tras prestar declaración en comisaría. A Policía Nacional deu conta ao xulgado. Un é acusado dun delito de lesións graves e os outros dous de leves.
