A Policía Nacional detivo a pasada semana tres homes acusados de tráfico de drogas. Os detidos, de 44, 22 e 18 anos, vendían marihuana na cidade de Lugo e noutras localidades da provincia. Fóronlles incautadas 350 doses.
A investigación comezou cando a Policía tivo coñecemento de que tres homes vendían substancias estupefacientes desde un turismo de cor branca na zona da Avenida da Coruña e a Rolda da Muralla de Lugo.
Tras unha serie de pescudas, os axentes puideron comprobar que os tres detidos dedicábanse á venda de marihuana nas zonas apuntadas e noutros puntos da provincia de Lugo. Por ese motivo, foron detidos e acusados de tráfico de drogas. No momento da detención, fóronlles incautadas 350 doses de marihuana e diversos útiles para a súa manipulación e venda.
Os detidos foron postos a disposición xudicial e quedaron en liberdade á espera de xuízo.