Axentes da Policía Nacional de Lugo detiveron a dúas mulleres e un home, que é fillo dunha delas, e a unha menor, como presuntos autores dun delito contra a saúde pública. Os axentes xa interviñeran no domicilio da familia hai uns meses, tras recibir varias queixas veciñais, e detiveron naquela ocasión ao marido da muller, que supostamente era o xefe do clan e que se atopa agora fuxido da Xustiza. Tras a detención deste home, o seu fillo tomou o mando da actividade delituosa.
Segundo explicou o portavoz policial, "o sistema de venda de sustancias estupefacientes que utilizaba o clan era o habitual, con breves contactos cos agora detidos, tanto nas inmediacións do domicilio, logo de contactar por medio do teléfono móbil, como vendas rápidas na propia vivenda".
Os axentes destacan que os detidos utilizaban o que no argot policial denomínase "un machuca", unha figura moi empleada polos clans de traficantes, "que usan a esta persoa para que realice vendas de droga en diferentes lugares, para que realice vixilancias para detectar a presenza policial, e incluso para o coidado de nenos, todo iso nun estado de semiescravitude e a cambio dunhas doses para o seu consumo". Cando son descubertos, o clan "intenta cargar o delito sobre este machuca", explican.
Na operación e no rexistro domiciliario que levou a cabo no marco da operación policial, os axentes interveñen 150 doses de cocaína, unha balanza de precisión, unha bolsa de plástico con recortes para realizar os envoltorios da droga e máis de 4.000 euros en efectivo e en moeda fraccionada, "procedente das vendas de droga". Tamén requisaron diferentes obxectos, ordenadores e material de obra "procedente de roubos", que os compradores entregaban a cambio da sustancia, xa que moitos deles teñen antecedentes por roubo con forza.
