Axentes do Corpo Nacional de Policía (CNP) detiveron como suposto autor dun delito de lesións e ameazas a un individuo sospeitoso de agredir de forma violenta ao traballador dunha entidade bancaria en Lugo.
Segundo informou a Comisaría Provincial, os feitos ocorreron o pasado 12 de setembro na sucursal dunha entidade bancaria, na Rolda das Fontiñas, na cidade de Lugo.
Un cliente solicitou falar co director da oficina e, ao entender este último que o que pretendía era "desculparse con el polas fortes palabras e ameazas" que lle dedicou o día anterior por teléfono, accedeu a charlar con el fóra da sucursal.
Xa no exterior da oficina, o cliente supostamente agarrouno polo pescozo e agrediuno, á vez que proferiu diversas ameazas contra el. Por mor desta agresión, o empregado do banco tivo que ser trasladado á PAC.
Logo da correspondente investigación, o agresor foi detido e posto a disposición xudicial.
