Un mozo, duns 30 anos de idade, foi detido por axentes da Policía Nacional porque presuntamente proferiu ameazas de morte contra dúas tías súas.
Esas ameazas non só foron de palabra. Ademais, o arrestado, que reside na capital lucense, estrelou o seu turismo contra o enreixado da vivenda dunha dos seus familiares, que se atopa no municipio de Palas de Rei.
Ese arrebato violento do mozo, que desencadeou a súa detención, só causou danos materiais. A tía que vive na casa contra a que encaixou o seu vehículo non chegou a sufrir feridas.
A Policía Nacional contou coa colaboración da Garda Civil para esclarecer este caso, por mor dos danos que ocasionou no inmoble de Palas de Rei.
PELEXA NUNHA TERRAZA. A Policía Nacional identificou a un mozo que agrediu a outro nunha pelexa que tivo lugar na medianoite do pasado xoves na zona de Augas
Ao parecer, a pelexa orixinouse porque un grupo de mozos estaba a molestar a outro que se atopaba na terraza dun local de hostalería.
