Axentes do Corpo Nacional de Policía (CNP) detiveron nunha hospedería da cidade de Lugo a strong <>un mozo que estaba a ser buscado desde o pasado mes de setembro por roubar a caixa de caudais na Confraría do Carmen.
Segundo informou a Comisaría Provincial, as investigacións realizadas no seu momento polos axentes encargados do caso permitiron a identificación do sospeitoso dese roubo no mes de setembro, pero ata agora non fora localizado.
Para dar co paradoiro deste mozo, os axentes da Brigada de Seguridade Cidadá repasaron a lista de inquilinos das hospederías da cidade e comprobaron que o sospeitoso estaba aloxado nun hostal.
Ata alí desprazáronse membros da Policía Nacional, que procederon á súa detención e puxérono a disposición da autoridade xudicial, xunto coas dilixencias de investigación practicadas para esclarecer o citado roubo.
ROUBO. O irmán maior da confraría, Antonio de los Ojos, presentara a correspondente denuncia á Policía Nacional a finais do mes de agosto.
Segundo informou De los Ojos, o ladrón –que non puido ser identificado ata agora– levou uns 100 euros dun cepillo, 105 euros máis dunha caixa de metacrilato que había na sancristía e outros 40 euros que estaban dentro dun sobre.