A Policía Nacional detivo a última hora da tarde deste xoves un home por violencia de xénero na cidade de Lugo.
O arresto produciuse no barrio das Gándaras e despois de que a actuación policial tivese un xiro inesperado, xa que inicialmente os axentes foran mobilizados porque, presuntamente, un fillo pegara ao seu pai.
O primeiro aviso recibiuno a Policía Local, que mobilizou á Policía Nacional, que ao acudirse no lugar comprobou que o home agredira a súa muller, polo que o levaron detido. Este venres investigarase se á súa vez o agresor fora golpeado por un dos seus fillos.
