Axentes da Policía Local de Lugo detiveron un home por intentar agredir os efectivos que o ían identificar por increpar varias persoas nun local de hostalería.
Segundo informou o corpo, sobre as 21.25 horas do 25 de xuño unha patrulla da Policía de Barrio foi enviada a un establecemento de hostalería da Praza da Soidade porque un home increpaba e molestaba a persoal do local e a un grupo de mozos que estaban no seu interior.
Os policías observaron que esta persoa se atopaba en "estado de embriaguez" e comezou a insultar os policías, e que, ao ser requirido para que identificase, negouse "rotundamente". Ademais, púxose "agresivo" e intentou agredir os axentes.
Por iso, procederon á súa detención e traslado a un centro médico inicialmente, tras o que foi levado a dependencias policiais, onde se instruíron dilixencias para o xulgado de garda.
