Axentes da Policía Nacional de Lugo detiveron a un home de 64 anos de idade, de nacionalidade romanesa, por agredir sexualmente a unha muller no albergue habilitado para transeúntes, onde ambos se atopan confinados.
Os axentes acudiron ás instalacións do pavillón municipal na tarde do martes, cando unha persoa chamou á Sala do 091 para comunicar que unha usuaria do albergue fora acosada por outro sintecho.
Os policías falaron coa suposta vítima e ela confirmoulles que o agresor lle realizou tocamentos nas súas partes íntimas e acosábaa con propostas de contido sexual. Nun primeiro momento, a muller non lle quixo contar nada aos responsables do albergue, pero como os abusos non cesaban, acaboullo comunicando a varios membros de Cruz Vermella, que deron a voz de alarma.
O home foi arrestado e trasladado a comisaría.