A Policía Local de Lugo detivo a un home por un presunto delito de violencia de xénero.
Os feitos ocorreron o pasado venres 15 de xaneiro ás 19.00 horas, cando a sala do 092 alertou a unha patrulla para que desprazase a unha vivenda situada na Avenida da Coruña para atender a unha muller que pedía auxilio e que aseguraba que un home non lle deixaba saír da súa vivenda.
Unha vez no lugar, a muller explícalles aos policías que o seu exmarido, co que non convive, ameazáraa e coaccionáraa. Asegura que esta persoa a maltrata psicoloxicamente de forma habitual diante do seu fillo menor e a súa nai.
Posteriormente, os axente proceden á detención do home, de 52 anos, e ao seu posterior traslado a dependencias policiais, onde se instrúen as dilixencias por un presunto delito de violencia de xénero para a súa remisión ao xulgado competente.
Policías da Unidade de Atención & nbsp;Familia e a Muller do CNP, procederon a identificar á testemuña e ao traslado e asistencia da vítima a dependencias policiais para presentar denuncia
