Axentes da Policía Nacional adscritos á Comisaría Provincial de Lugo detiveron na madrugada deste pasado domingo a un mozo de 26 anos, veciño da cidade con innumerables "antecedentes", por un delito de roubo con forza nas cousas nun local de hostalería tras saltar un muro de dous metros.
Segundo informou a Policía Nacional, na madrugada deste domingo solicitouse presenza policial nun local de hostalería da cidade, xa que saltara a alarma e logo de visionar as cámaras comprobaron que na parte traseira do local, logo de saltar un muro de dous metros, unha persoa estaba no interior.
Por iso, acudiron ao lugar dotacións de radiopatrullas que realizaron a correspondente requisa do local, onde localizaron ao mozo detido que, logo de entrar no lugar, consumía varios produtos no establecemento.
Os policías procederon á súa detención e traslado a dependencias policiais na rúa Chantada, feito ao que opuxo "gran resistencia ao seu arresto", subliñou a Policía Nacional.
De todo iso foi informado o xulgado de garda onde estaba previsto o traslado do detido este luns.
