A subdelegada do Goberno, Isabel Rodríguez, anunciou que este martes o despregamento na provincia de Lugo a Unidade Militar de Urxencias (UME) para realizar tarefas de desinfección en diferentes municipios, mentres que a Brilat reforzará o traballo de vixilancia que realizan os Corpos e Forzas de Seguridade do Estado para garantir o cumprimento das medidas recollidas no estado de alarma.
En canto ao despregamento da UME, os puntos de actuación establecidos son lugares nos que se producen concentracións de persoas que forman parte de colectivos en situación de especial risco, de modo que se lle dará prioridade ás residencias de maiores e aos centros sanitarios.
A UME desprazou á provincia a varios equipos que suman 60 efectivos e 28 vehículos, para actuar en localidades como Lugo, Monforte de Lemos, Viveiro, Vilalba, Outeiro de Rei e Castro de Rei.
Ademais, uns 30 efectivos da Brilat están a realizar este martes labores de vixilancia na cidade de Lugo.
Ler máis: Terceiro morto por coronavirus na provincia: un octoxenario no Hospital da Costa
MONFORTE. Efectivos da Unidade Militar de Urxencias desempeñaron este martes tarefas de desinfección en residencias, prazas e edificios públicos no municipio de Monforte de Lemos
Segundo informa o Concello nun comunicado, no marco da Operación Balmis do Ministerio de Defensa íanse a realizar limpezas nun principio na contorna do hospital comarcal e o centro de día de Geriatros, na Rúa do Morín.
Así, tras as xestións do alcalde, José Tomei Roca, coa subdelegada do Goberno en Lugo, Isabel Rodríguez, esa limpeza contra o coronavirus ampliouse a outros espazos.
Entre outros lugares, os militares actuaron en: residencia da terceira idade no paseo do Dique; residencia Asimédica; Fogar de San
