Os datos facilitados polo Sergas martes respecto da situación do coronavirus na provincia de Lugo mostran un lixeiro aumento dos casos activos. Deste xeito, se este luns eran 222, o martes son 226 -4 máis-.
En canto aos positivos detectados por PCR nas últimas 24 horas son 12 -polos 8 contabilizados na xornada anterior-.
Ademais, prodúcese un descenso na presión hospitalaria na área sanitaria. O total de hospitalizados redúcese a 8. Deles, 1 atópase na Uci do Hula. O resto atópase en planta: 3 no Hula -3 menos- e 4 no Hospital de Monforte -1 máis-.
Desde o inicio da pandemia curáronse na provincia un total de 12.134 persoas. En canto ás vítimas do covid, faleceron un total de 222 persoas, aínda que o Sergas pon a cifra en 214 ao non contabilizar a algúns pacientes lucenses mortos noutras áreas.