Veciños e usuarios da Rúa Milagrosa denunciaron publicamente o seu malestar porque un hostaleiro da rúa "reserva" a diario as prazas de aparcadoiro próximas ao seu local, impedindo que sexan utilizadas por outros condutores. Segundo din, o home usa cadeiras e caixas do seu bar e négase a retiralas cando llo piden.
Os afectados aseguran que non se trata dun feito illado e que a situación repítese desde hai xa tempo. "Empezou aparcando as motos que ten para repartición, cada unha nunha praza, e agora xa reserva as prazas con calquera cousa. é unha vergoña", aseguran.
Os veciños solicitan que se tomen medidas para que o hostaleiro desista na súa actitude.
