Axentes da Policía Local de Lugo de novo os controis nos establecementos de strong <>lecer nocturno da capital e denunciaron a dous locais por múltiples infraccións.
Os efectivos do Grupo Operativo Nocturno entraron nun pub de Mariña Española e levantaron varias actas de denuncia por diversas infraccións á normativa de espectáculos públicos, en concreto: funcionamento inadecuado do fonógrafo, xa que o dispositivo non realizaba unha interrupción da emisión da música, "que se atopaba a altos niveis de volume durante un longo período de tempo"; carencia de información relativa ao horario de apertura e peche; carencia de información relativa ao aforamento máximo do local e carencia de copia de strong<> licenza municipal. Ademais, o local tiña instalada unha cámara de videovigilancia "sen estar dotado do preceptivo cartel informativo".
Os policías inspeccionaron outro local na Rúa Concepción Areal e levantaron unha acta de denuncia ao detectar que, a pesar de ser un café bar e ter prohibida a instalación de equipos de strong <>reprodución musical, " reproducía música cun computador conectado a un altofalante", polo que o son da música percibíase incluso desde o exterior do local.
Tal e como sinalou o portavoz do corpo, no transcurso da inspección deste local tramitouse unha acta de denuncia por infracción á Lei de Seguridade Cidadá, xa que ao tratar de strong<> identificar a unha persoa relacionada co establecemento negouse a facilitar a documentación aos axentes.
