Axentes da Policía Local de Lugo denunciaron a cinco individuos o pasado fin de semana por incumprir as medidas de prevención fronte á covid-19, dado que foron sorprendidos mentres compartían unha cachimba nun local de hostalería da cidade.
Sucedía nun local da rúa Concepción Areal, onde as cinco persoas denunciadas estaban a fumar a citada cachimba.
Ademais, a Policía Local de Lugo denunciou a cinco individuos por camiñar pola vía pública sen levar posta a correspondente máscara e a outro por fumar na rúa sen gardar a distancia de dous metros con outras persoas.
Tamén foi denunciado o propietario dun local na Rúa Nova que permitía o consumo de bebidas na barra.