A Policía Local de Lugo denunciou na madrugada do sábado ao domingo a dous locais de hostalería de Lugo por incumprir o aforamento no marco das medidas para frear a pandemia da Covid-19 e a un establecemento de lecer nocturno por carecer de rexistro de clientes.
Segundo informou a Policía Local, durante a madrugada do sábado ao domingo tramitou dez actas de denuncia por infracción á Lei de Saúde de Galicia por, nun caso, non facer uso de máscara; outra por fumar sen respectar a distancia de seguridade interpersoal e dúas por incumprimento de aforamento en establecemento de hostalería.
A esa denuncia engádese unha por carecer de rexistro de clientes nun establecemento de lecer nocturno; outra por consumir en barra e outra por desobediencia a axentes da a autoridade.
Así mesmo, a Policía Local de Lugo tramitou tres actas de denuncia por falta de respecto e consideración a axentes da autoridade no exercicio das súas funcións.