A Policía Local de Lugo denunciou catro individuos que facían xestos a condutores para o estacionamento de vehículos, coñecidos como gorrillas, no aparcadoiro do Hospital Universitario Lucus Augusti. Segundo informou o corpo, eses individuos foron identificados no marco do dispositivo organizado para a vixilancia das zonas de estacionamento do centro sanitario e as súas inmediacións.
Os policías "sorprenderon catro individuos facendo xestos aos condutores para o estacionamento dos seus vehículos", para o que "se movían entre os automóbiles, co conseguinte perigo de atropelo". Por iso, foron denunciados e advertidos de que, de continuar "con tal actividade", poden "ser denunciados por desobediencia", ante o que abandonaron o lugar.
