Axentes da Policía Local de Lugo denunciaron a un condutor sen carné e a outros dous homes que circulaban ao volante de senllos vehículos baixo os efectos do alcol. Un dos infractores foi sorprendido sobre as catro e media da tarde do luns, cando unha patrulla da Unidade Territorial de Policía de Barrio de detectou a "circulación irregular" dun vehículo pola rúa Lamas de Prado.
Os axentes lle deron o alto e comprobaron, a través das bases de datos policiais, que o condutor carecía de permiso de conducir, xa que non o obtivo nunca. O home foi identificado e abríronlle dilixencias por un delito contra a seguridade viaria. Tal e como explicou o portavoz do corpo, tamén foi denunciado o propietario do coche como "cooperador necesario", por prestarlle o vehículo sabendo que non tiña carné. O turismo foi inmobilizado.
Ao longo do pasado ponte das Letras Galegas, os efectivos do Grupo Operativo Nocturno estableceron varios filtros de seguridade viaria e detectaron a un condutor que circulaba ás de madrugada pola Rúa Santo Graal "con signos de embriaguez". O home foi sometido á proba de alcoholemia e arroxou unha taxa de 0,74 miligramos de alcol por litro de aire expirado, case o triplo do permitido.
Os axentes trasladárono á Unidade de Atestados e abríronlle dilixencias por un delito contra a seguridade viaria. Pouco despois, sobre as catro da madrugada, os policías observaron que outro vehículo circulaba pola mesma vía sen ningún tipo de iluminación. O condutor tamén foi sometido á proba de alcoholemia e arroxou 0,70 miligramos por litro de aire expirado, polo que tamén foi denunciado por un delito contra a seguridade viaria. "Ambos os vehículos foron inmobilizados e os condutores enfróntanse a unha pena de prisión de tres a seis meses, multa ou traballos en beneficio da comunidade e, en todo caso, coa privación do dereito a conducir vehículos a motor e ciclomotores por tempo superior a un e ata catro anos", explicaron.
No transcurso destes controis tamén se levantaron tres actas de denuncia por infracción á Lei de Protección de Seguridade Cidadá por falta de respecto e consideración aos efectivos policiais, propóndose para as infractores sendas multas de ata 600 euros.
