A Policía Local de Lugo realizou varios filtros de seguridade viaria e denunciou a tres condutores, un home e dúas mulleres, por delitos relacionados co consumo de bebidas alcohólicas. As dúas infractoras víronse implicadas en senllos accidentes de tráfico e unha delas negouse a realizar a proba de alcoholemia.
Axentes do Grupo Operativo Nocturno e da Unidade de Atestados acudiron a un accidente de circulación rexistrado na Rúa San Roque, onde un vehículo chocou contra outro turismo que se atopaba estacionado. Os policías observaron que a muller presentaba signos de embriaguez, polo que foi sometida ás probas de alcoholemia e arroxou un resultado de strong<> 0,79 miligramos por litro de aire expirado, máis do triplo do permitido. Os axentes instruíronlle dilixencias por un delito contra a seguridade viaria na modalidade de xuízo rápido.
Outro condutor foi denunciado tras arroxar unha taxa de 0,70 miligramos de alcol cando circulaba pola Rúa Vilalba
Outra patrulla trasladouse na noite do mércores ao xoves á confluencia da Rúa Marqués de Ombreiro con Músico Falla, onde outra condutora perdeu o control do seu turismo e chocou contra varios coches. A muller presentaba signos de embriaguez, pero se negou a someterse ás probas de alcoholemia, polo que tamén lle abriron dilixencias por delito contra a seguridade viaria na modalidade de Xuízo Rápido.
Finalmente, os axentes déronlle o alto a un vehículo que circulaba "de forma irregular" pola Rúa Vilalba. O condutor foi sometido ás probas de alcoholemia e arroxou unha taxa de 0,70 miligramos por litro de aire expirado. Tamén lle instruíron dilixencias por un delito contra a seguridade viaria.
