Axentes da Policía Local de Lugo tramitaron este fin de semana catro sancións por incumprir as medidas decretadas polas autoridades sanitarias para frear os contagios de Covid-19 na capital lucense.
Para garantir o cumprimento desas normas de prevención, a Policía Local estableceu diversos filtros de seguridade en distintos puntos da cidade.
Grazas a eses controis, tres persoas foron denunciadas por transitar pola vía pública entre as 22:00 e as 06:00 horas sen un motivo debidamente xustificado para iso.
Cada unha delas foi proposta para unha sanción de 500 euros.
Así mesmo, os axentes propuxeron para unha sanción de 500 euros a outra persoa que entrou no municipio, pechado perimetralmente por orde das autoridades sanitarias, sen "causa que o xustificase".