A Policía Local de Lugo intensificou os controis na capital durante as festas do Nadal e na madrugada do luns ao martes denunciou a dúas persoas por camiñar pola vía pública durante as horas nas que está en vigor o toque de queda.
O portavoz do corpo confirmou este mércores que os axentes do Grupo Operativo Nocturno da Policía Local de Lugo estableceron varios dispositivos de vixilancia durante as horas nocturnas e tramitaron dúas actas de denuncia por infracción á Lei de Protección da Seguridade Cidadá, "ao sorprender a senllos cidadáns que transitaban pola vía pública entre as 23.00 e as 6.00 horas, sen acharse incluídos en ningunha das causas de excepción recollidas no real decreto".
Os dous infractores foron propostos para sanción e enfróntanse a sendas multas que oscilan entre os 601 e os 30.000 euros.
