Axentes da Policía Local de Lugo denunciaron á responsable dun local de hostalería situado no barrio de A Milagrosa, sinalado como o epicentro do brote de coronavirus detectado na capital lucense, por incumprir as restricións impostas pola Consellería de Sanidade para tratar de cortar a cadea de contagios.
Segundo informou a Policía Local, no interior do establecemento, que ten licenza de café-bar, había “tres clientes” que estaban a consumir bebidas co consentimento da responsable do mesmo.
As medidas establecidas pola Consellería de Sanidade afectan a unha parte da zona norte dela cidade delimitada pola Avenida da Coruña e as rúas Tino Grandío, Camiño Real, Mar Cantábrico e Ángelo Colocci.
Nesa zona, na que se sitúa o local denunciado, os restaurantes non poden superar o 50% da súa capacidade no comedor e nos bares e cafeterías non está permitido o consumo no interior dos establecementos.
Así mesmo, a Policía Local denunciou o pasado luns a outras dúas persoas que transitaban pola vía pública sen facer uso da obrigatoria máscara.