A David González apaixónanlle as motos, pero nunca puido subirse a unha. Él móvese nun medio máis lento, unha cadeira de rodas. No entanto, desde o domingo é oficialmente un moteiro e un membro máis de Lucus Riders.
Como afeccionado ás motos, David ía con frecuencia ao bar Lucus Riders, na rúa Reiseñor, propiedade de dous membros dese club moteiro, que ten a súa sede nun local contiguo ao establecemento de hostalería. A base de ver carreiras xuntos na tele, David e os moteiros fóronse facendo amigos e estes decidiron facerlle socio de honra.
O "nomeamento" formalizouse o
Foi o primeiro paso, porque Lucus Riders xa planea comprar unha moto de tres rodas para que David poida incorporarse ás rutas de motociclismo, segundo contou Roberto Paradela, o presidente.
David, de 32 anos, poderá cumprir así un soño e gozar da súa afección rodeado de amigos. Ir en moto permitiralle romper ataduras coa cadeira de rodas, da que depende desde que tiña dez anos e que condicionou a súa vida.
No club aseguran que David quedou atado á cadeira aos dez anos, tras sufrir, din, unha reacción adversa a unha vacina contra a meninxite.
Lucus Riders, cuns 35 membros, é un dos clubs moteiros máis activos de Lugo e todos contan con que David sómese ás súas aventuras sobre dúas rodas.