Un condutor que realizaba este xoves manobras temerarias co seu turismo foi interceptado minutos máis tarde na Rúa Fisterra pola Policía Local, alertada por lucenses que presenciaron ese comportamento perigoso ao volante.
Cando o localizaron, os axentes tamén presenciaron como facía manobras neglixentes, polo que lle deron o alto. Ao falar co condutor decatáronse de que presentaba síntomas de consumir bebidas alcohólicas, polo que se lle practicou a proba de alcoholemia e deu unha taxa de 0,29, superior á permitida.