O xefe de Oncoloxía do Hula, Sergio Vázquez, que é membro do comité clínico de expertos que avalían a situación sanitaria de Galicia, situouse publicamente sobre a instalación de barracas no recinto feiral, deixando ao carón a polémica política.
Sergio Vázquez considera que, aténdose ao protocolo sanitario da administración autonómica, que ao seu xuízo é "claro", pódense montar as atraccións se se cumpren as medidas establecidas. Iso si, considera que tal e como é o recinto feiral de Lugo, no que as barracas se atopan no medio de edificios en vías que non son especialmente anchas, e como se viven estas festas na rúa, antóllaselle "complicado" levalo á práctica.
PECHE PERIMETRAL. Este oncólogo aclara que o protocolo non establece que haxa que perimetrar todo o recinto feiral, senón que hai que delimitar de forma visible o espazo de cada atracción, con accesos de entrada e saída diferenciados. E é nese espazo, segundo precisa, onde se debe cumprir a norma dunha persoa por cada tres metros cadrados de superficie. As colas, xa que logo, deberían ser moi espaciadas.
Recorda ademais que o aforamento permitido nas barracas que teñen asentos é do 50 por cento en cada fila, mantendo a distancia de seguridade entre os usuarios salvo que estes sexan convivientes, e nas que non dispoñen deles é do 30%.
Sergio Vázquez considera que "hai máis opcións" á instalación do recinto feiral como outrora. Así, pon encima da mesa, entre outras alternativas, reducir o número de barracas para que estean máis separadas ou repartilas por varios puntos da capital lucense, no canto de que estean concentradas na contorna do Parque Rosalía de Castro.
Trátase de que as autoridades "senten e pénseno", a xuízo deste facultativo. Ese, segundo precisa, "é un tema político, non clínico".
NIÑOS SEN VACINAR. O xefe de Oncoloxía do Hula, que quixo deixar claro que a opinión que expresa é exclusivamente desde "o punto de vista clínico", tamén bota man para analizar este asunto dos proles da situación epidemiolóxica, cun descenso do número de casos, e de que máis do 90% da poboación lucense xa está vacinada. Pero advirte de que os principais usuarios das atraccións de feira, os nenos de entre 0 e 11 anos, aínda non están inmunizados e, segundo resalta, "a seguridade sanitaria é importante".
