Un condutor cuadruplicó a taxa de alcol permitida tras ser interceptado por unha patrulla da Unidade Territorial de Policía de Barrio de Lugo, tras decatarse os axentes de que o coche que manexaba circulaba dun modo "irregular" por unha das rúas da cidade.
Sucedeu o sábado, día 28 de novembro, cando faltaban uns minutos para as sete da tarde, ao decatarse os axentes de patrulla de que un coche que circulaba pola rúa Camiño Real facíao de forma "irregular".
Ao darlle o alto, os axentes percibiron inmediatamente que o condutor presentaba síntomas evidentes de beber, polo que solicitaron a presenza da Unidade de Atestados.
Ao ser sometido ao correspondente control, deu unha taxa de 0.98 miligramos de alcol por litro de aire expirado, de modo que foi denunciado por un delito contra a seguridade viaria e o seu vehículo inmobilizado no depósito municipal.
A pasada fin de semana outros dous condutores triplicaron a taxa de alcol permitida cando circulaban polo centro urbano de Lugo.