A arte tamén move conciencias e no colexio Divino Mestre tiveron ocasión onte de espertalas da man das cores e as liñas da artista gráfica e coñecida grafitera Musa, que dirixiu a realización dun grafiti no centro.
Musa chegou a Lugo da man da editorial Santillana, que organizou un concurso a nivel nacional, tanto para alumnos de Primaria como de Secundaria, dentro da súa campaña contra o acoso escolar Monstros? Nó nos contos!. Como peche da campaña, Santillana realizou este certame no que se premiaron as experiencias máis sinaladas dos colexios e institutos de todo o territorio nacional. O colexio Divino Mestre gañou o certame na categoría de Secundaria. En Primaria, o vencedor foi o Ceip Clarín, de Xixón.
Como premio, Santillana enviou a Lugo á grafitera Musa, quen dirixiu o pintado dun mural -cheo de colorido- no que colaboraron varios alumnos e cuxo mensaxe é a loita contra o acoso escolar. "Pintamos un mural no que se superponen as letras da palabra amor e das siglas DM, Divino Mestre. A idea saíu do vídeo que o colexio presentou a concurso e que gañou un dos premios Loqueleo, o selo de literatura infantil e xuvenil de Santillana", indicou Musa.
O mural é unha obra conxunta na que deixaron o seu sinal vinte e cinco alumnos do colexio, os profesores, xente vinculada a Loqueleo e os artistas Harrybones e Musa, quen recoñeceu que gozou do grande desta nova experiencia na súa carreira como artista gráfica. "A experiencia é moi boa para crear lazos e para fomentar o traballo en equipo. Creo que é un gran xeito de loitar contra o acoso escolar. Realmente, saímos todos moi contentos deste proxecto", dixo esta artista gráfica.
