jueves. 24.09.2020 |
El tiempo
jueves. 24.09.2020
El tiempo

Convocan unha protesta este domingo en Lugo contra os campionatos de caza de raposo

Protesta dos animalistas hai uns días en Sarria. VILA
Protesta dos animalistas hai uns días en Sarria. VILA
Tamén piden a dimisión das persoas que autorizaron a competición celebrada en Triacastela e Láncara

Varias entidades ecoloxistas e animalistas convocaron concentracións este domingo en varias cidades en rexeitamento aos campionatos de caza do raposo, unha especie que consideran "clave" para a biodiversidade e equilibrio do ecosistema.

A protesta, que en Lugo se celebrará ás 12.00 horas na Praza Maior de Lugo, parte da asociación Free-Fox, e está apoiada por AGAE, EQUO Galicia e a Plataforma pola Convivencia Ética coa Fauna Silvestre. 

Nun comunicado, destacan que un gran número de organizacións científicas e ecoloxistas puxeron sobre aviso á Xunta "de modo reiterado" sobre o efecto nocivo das matanzas de raposos sobre á biodiversidade, sobre todo na proliferación de roedores. 

Por todo iso, instan o Goberno galego a prohibir estas prácticas e terminar coa caza a esta especie "imprescindible para a saúde" do medio ambiente. 

Ademais, a Plataforma Con-Ética esixiu a dimisión das persoas responsables da autorización do campionato de caza de raposo celebrado hai uns días en Triacastela e Láncara.

Convocan unha protesta este domingo en Lugo contra os campionatos...
comentarios