sábado. 08.08.2020 |
El tiempo
sábado. 08.08.2020
El tiempo

A construción da nova pasarela sobre a N-VI arrinca a semana próxima

Recreación da pasarela sobre a N-VIN. EP
Recreación da pasarela sobre a N-VIN. EP
Conectará o centro cos accesos ao estadio Ángel Carro ► Construcións Taboada e Ramos é a firma adxudicataria

O comité de dirección da estratexia Dusi-Muramiñae avanzou este xoves tras unha reunión que a construción da pasarela peonil sobre a Nacional VI, que conectará directamente cos accesos ao estadio de fútbol Ángel Carro e a zona do río Miño, comezará a próxima semana, asegurou a alcaldesa de Lugo, Lara Méndez.

"Na vindeira semana comezarán as obras da pasarela peonil que se vai a construír sobre a Nacional VI para mellorar a comodidade e seguridade de acceso ao Miño e ao estadio Ángel Carro. Unha noticia moi positiva, pois con esta nova infraestrutura dende ou Concello damos resposta a unha demanda histórica da cidadanía lucense", afirmou a rexedora.

A empresa encargada de efectuar os traballos de construción da pasarela será Construcións Taboada e Ramos, logo de ser seleccionada pola mesa de contratación, tras presentar a mellor oferta cifrada en 971.250 euros.

NOVO ITINERARIO. Con esta estrutura créase un novo itinerario para peóns e bicicletas que favorecerá a continuidade do centro urbano de Lugo á zona do río Miño, pois na actualidade soamente existen accesos peonís mediante pasos inferiores, ademais de reducir a dependencia do uso do vehículo e mellorar a seguridade viaria na zona.

A construción da nova pasarela sobre a N-VI arrinca a semana próxima
comentarios