O xulgado do Penal número 2 de Lugo condenou este luns a un lucense acusado de traficar con sustancias estupefacientes. O home recoñeceu ante o xuíz que vendía habitualmente haxix no seu domicilio e conseguiu así que o ministerio público rebaixase varios meses a súa petición inicial de dous anos de cárcere. Deste xeito, ao non ter antecedentes computables, o acusado non terá que ingresar inicialmente en prisión.
A Policía Nacional de Lugo realizoulle un seguimento desde o mes de decembro de 2018 e o 1 de abril de 2019, sobre as oito e cuarto da tarde, os axentes déronlle o alto ao home e lle requisaron dous paquetes que contiñan cada un dez fragmentos de haxix en forma de landra. A droga intervida tiña un peso total de 195 gramos e alcanzaría no mercado ilícito un valor de 1.076 euros.