A Unidade de Atestados da Policía Local de Lugo interveu o martes nun accidente de circulación rexistrado na confluencia da Ronda da Muralla con Nicomedes Pastor Díaz. A colisión, que se produciu ao parecer porque un coche se saltou un semáforo en vermello, saldouse sen feridos.
A entrada dese vehículo provocou que outro que circulaba polo carril dereito da Ronda desviase a súa traxectoria e chocase contra o que ocupaba o carril esquerdo.
