Axentes da Policía Local de Lugo denunciaron a un condutor que viña desde Navarra e pretendía entrar na capital lucense sen "xustificar adecuadamente o seu desprazamento", dado que o municipio permanece pechado perimetralmente por orde da Xunta para tratar de frear os contaxios de coronavirus.
O citado condutor, que viña de Navarra, non puido acreditar ningunha das causas que xustificarían unha excepción a ese peche perimetral, polo que foi denunciado.
Este mércores, no controis establecidos pola Policía Nacional para evitar que ninguén entre ou saia da cidade sen unha causa debidamente xustificada, foron denunciados outros catro condutores.
Dous deles viñan do municipio veciño de Begonte, outro de Ribadeo e un máis da localidade coruñesa de Muxía.
Lugo é, xunto con Viveiro, Burela e Monforte de Lemos, un dos catro municipios lucenses pechados perimetralmente pola Xunta de Galicia, por consello do comité clínico, e onde non se permite nin a apertura da hostalería nin tampouco reunións de persoas que non vivan na mesma casa.
