Un condutor deuse á fuga o pasado venres tras causar un accidente con tres vehículos implicados na rúa Doutor García Portela de Lugo. Segundo informou este luns a Policía Local, o sinistro tivo lugar ás 14.30 horas e o presunto responsable abandonou o lugar "de forma precipitada" e pondo en risco aos peóns que había na zona.
Ademais, na madrugada do venres, outro condutor que manexaba o seu vehículo baixo os síntomas do alcol provocou un accidente no que se viron implicados dous coches.
Dous días máis tarde, na madrugada do domingo 19 de xaneiro, outro accidente de circulación no centro da cidade saldouse con seis coches involucrados e danos no mobiliario urbano. O presunto responsable do sinistro arroxou un positivo de strong<> 0,83 na proba de alcoholemia, polo que se instruíron dilixencias por un delito contra a seguridade viaria na súa modalidade de xuízo rápido.