Un condutor sen carné, pola perda de todos os seus puntos, case triplicou a taxa de alcol permitida cando a Policía Local deulle o alto a pasada madrugada en Lugo, ao comprobar que conducía de forma irregular.
Sucedeu sobre as 04:10 horas, na Rúa Alexandre Bóveda, cando unha patrulla do Grupo Operativo Nocturno da Policía Local de Lugo observou que un coche circulaba de forma irregular.
Ao darlle o alto, comprobaron que o condutor carecía de permiso, dado que perdera todos os seus puntos, e presentaba síntomas evidentes de beber.
Ao ser sometido á correspondente proba de alcoholemia, deu un resultado positivo de 0,63 miligramos de alcol por litro de aire expirado.
Os axentes instruíron dilixencias por un suposto delito contra a seguridade viaria pola modalidade de xuízo rápido, ademais de abrir expediente de sanción, cunha multa asociada de 1.000 euros e a retirada de seis puntos do permiso de conducir.
