Un veciño de Lugo foi condenado a indemnizar con 6.000 euros a un home de orixe marroquí ao que agrediu nun bar da capital lucense tras proferir contra el insultos racistas como "mouro de merda" ou "vaite ao teu país".
Na sentenza, con data do 6 de novembro, a Sección Segunda da Audiencia Provincial de Lugo condena ao home ao pago dunha multa de 1.620 euros, ademais dos 6.000 euros en concepto de indemnización á vítima, así como a sufragar os custos hospitalarios, que ascenden a un total de 1.564 euros.
Así, o tribunal considera probado que o agresor, veciño da capital lucense, atopouse coa vítima nun establecemento hostaleiro de Lugo na tarde noite do 31 de decembro de 2012.
Alí, dirixiu contra o agredido insultos racistas, antes de empuxalo da cadeira de barra onde estaba sentado. Ao caer este a o chan, ambos se encerellaron nunha pelexa, na que o condenado propinou unha serie de golpes na cara da vítima antes de abandonar o bar.
A consecuencia da agresión, a vítima sofre secuelas como alteracións no iris, fotofobia e un prexuízo estético por ter as pupilas lixeiramente asimétricas.
