A Sección Segunda da Audiencia Provincial de Lugo condenou a dous anos e seis meses de prisión a un veciño deste municipio por un delito contra a saúde pública, segundo informa o Tribunal Superior de Xustiza de Galicia (TSXG).
Os feitos remóntanse a setembro de 2016 cando o acusado, con residencia legal en España, contactou con outra persoa á que entregou algo de pequenas "dimensións", recibindo, á súa vez, uns billetes.
Un axente que observou os feitos interceptou ao acusado, que levaba, ademais de 155 euros, un envoltorio con 0,204 gramos de heroína, así como 1.171 gramos de cannabis.
A Sección Segunda da Audiencia da Coruña ve "cribles" os testemuños dos axentes que declararon e considera que existe "proba de cargo suficiente" para condenalo.
