O conselleiro de Economía, Emprego e Industria, Francisco Conde, destacou este venres os bos datos da comunidade autónoma no que se refire á “consolidación” dos negocios que pon en marcha os autónomos, dado que en Galicia está “seis puntos por encima da media española”.
O conselleiro fixo estas declaracións aos medios de comunicación antes de participar en Lugo nun encontro de autónomos para explicarlles o paquete de medidas que acaba de aprobar a Xunta de Galicia de apoio a este colectivo.
“Estamos a impulsar en Galicia unha rolda de contactos cos autónomos, que son unha forza de traballo moi importante no noso país, porque un de cada cinco traballadores é autónomo. Na provincia de Lugo teñen, ademais, unha especial presenza, porque un de cada tres son autónomos, polo que teñen unha especial atención por parte do goberno”, precisou.
“O proceso de dixitalización no que estamos envoltos afecta a fórmalas comercialización e ás necesidades dos autónomo e, por iso, este xoves aprobamos no Consello da Xunta un paquete importante, por máis de 24 millóns de euros, para favorecer a máis de 7.000 autónomos galegos”, insistiu Conde.
“En definitiva, todo un paquete de medidas que activaremos o próximo 3 de febreiro e que vai estar a disposición dos autonónomos”
Un orzamento, precisou o conselleiro, que servirá para implementar medidas “directas” para fomentar a contratación, para mellorar “a competitividade”, para “favorecer a substitución xeracional” e a “conciliación” dos autónomos.
“En definitiva, todo un paquete de medidas que activaremos o próximo 3 de febreiro e que vai estar a disposición dos autonónomos”, concluíu.
En canto á situación deste colectivo, recordou que “Galicia ten bos resultados” no que se refire “ consolidación dos autónomos”, porque “sete de cada dez manteñen a súa actividade logo de tres anos”, polo que está “seis puntos por encima da media de España”.
Iso quere dicir, segundo o conselleiro, que teñen “un bo comportamento”, pero aínda así o Goberno galego aposta por implementar este tipo de iniciativas para “acompañalos”.
