Os concellos da provincia de Lugo recibirán durante este ano unha partida de 106.000 euros para potenciar a loita contra a violencia de xénero grazas á reforma lexislativa feita no mes de agosto polo actual Goberno. Así o confirmaron a subdelegada do goberno, Isabel Rodríguez, e a coordinadora de igualdade e benestar social do Goberno en Galicia, María Debén, nunha intervención que serviu para informar das novas medidas que entran en vigor coa aplicación do novo decreto lei.
Deste xeito, os concellos da provincia, ademais de recuperar competencias que foron suprimidas co anterior Goberno, poderán adherirse ao Sistema de Seguemento Integral de Violencia de Xénero (Viogén) e coordinarse cos diferentes servizos sociais da súa zona para previr este tipo de situacións. Actualmente só Burela, Ribadeo e Vilalba están plenamente integrados neste proceso.
Ademais, María Debén confirmou que as vítimas de violencia de xénero e os seus fillos contarán cun "tratamento preferente" á hora de cursar estudos postobligatorios. Nestas situacións, reducirase a nota de corte de 5,5 a 5 para facilitar o acceso á bolsa dos damnificados e que poidan continuar estudando máis aló da ESO.
