O Concello modernizará o sistema de evacuación de augas pluviais do cemiterio. A obra saíu a licitación por preto de 25.000 euros e cun prazo de execución dun mes.
Segundo indicou a concelleira de participación cidadá, Cristina López, esta obra quedou paralizada no inicio da crise sanitaria e agora retómase coa desescalada.
O Concello levará a cabo a rehabilitación e reconstrución de cunetas, canles e salvacunetas de formigón, xunto co nivelado, alisado e pavimentación, ademais da conexión coas redes de evacuación existentes, avanzou o Concello.
A concelleira de participación cidadá engadiu que, con estes traballos, preténdese ante todo que "Lugo conte cun cemiterio municipal público e de referencia".
NICHOS. Un dos últimos proxectos do Concello para o cemiterio foi a ampliación de 650 nichos máis. O goberno local inviste nesta obra algo máis de 400.000 euros. Os novos nichos van na zona que agora está a matogueira, á beira da parte nova.
O cemiterio non ten xa concesións por vinte e cinco anos. Só existen por dez na zona nova. Cada unha delas custa 643 euros.
