O Concello reenvía ao Goberno o informe sobre as necesidades de internet en 593 áreas habitadas

O concelleiro Miguel anunciou que nos próximos días vaise a strong <>enviar un escrito ao Goberno para recordar as conclusións do estudo que  fixo o Concello sobre as zonas brancas do municipio, aquelas sen cobertura, e insistir no compromiso de pasalas a zonas grises, que son as que se prioriza á hora de facer o despregamento por parte das operadoras durante o desenvolvemento do plan único que está en marcha neste momento.

Naquel informe, o Concello incorporaba un estudo para levar a banda ancha a 2.522 inmobles e recolléronse as necesidades en 320 núcleos das 54 parroquias. O fin era beneficiar a 593 pequenas agrupacións de vivendas.

Respecto dos programas que executa a Xunta para mellorar as conexións en zonas rurais, Fernández dixo que, en canto á colaboración con Amtega para ampliar a banda ancha, agora mesmo o Concello está a buscar terreos públicos en Monte de Meda e en Gontar, que son as dúas localizacións que elixiu a Xunta para poder instalar as torres. 

O concello facilitará o solar e tamén a subministración eléctrica para que se poidan instalar as antenas e dar servizo aos 15 núcleos que se anunciaron.

O obxectivo dese plan de instalación de novas antenas é dar servizo a Alta, Locai, Marcoi, Riobó, Vilariño, Bacurín, Carricova, O Burgo, Gondar, O Hospital, San Pedro de Abaixo, San Pedro de Arriba, Miñao, Cabanas e Torible.