O Concello de Lugo estuda nestes momentos os detalles dun plan para complementar o 30 por cento que todos os traballadores lucenses afectados por un Erte deixen de gañar durante esta crise pola pandemia do coronavirus. Este plan estenderase tamén aos autónomos da cidade, de modo que tamén poderán ver compensados o 30% do diñeiro que deixen de ingresar. En ambos os casos, estableceranse máximos tanto temporais como de cantidades a percibir.
Esta medida foi avanzada este mércores pola alcaldesa, Lara Méndez, e o concelleiro de desenvolvemento local e emprego, Mauricio Repetto, durante a xornada de constitución dunha mesa de traballo virtual cos diferentes sectores económicos da cidade, co obxectivo de strong <>coordinar a estratexia de dinamización económica para paliar a crise causada polo covid-19.
A esta estratexia, o Concello destinará especificamente boa parte dunha bolsa de cinco millóns de euros, xa dispoñibles grazas á mobilización do diñeiro restante doutros exercicios. Segundo detallou posteriormente a El Progreso Mauricio Repetto, aos axentes económicos informóuselles de que a boa situación financeira do Concello permítelle exporse esa posibilidade, para a que agora se están axustando os números: asumir o 30% dos salarios que deixarían de cobrar todos os traballadores do municipio de Lugo que sexan temporalmente despedidos durante esta crise, xa que o Estado cobre o outro 70%.
Barállase fixar límites temporais e de cantidades: un máximo de dous meses e de 2.000 euros por persoa entre ambos os meses
Segundo Repetto, os números que manexan os técnicos municipais tamén lles permitirían estender esta medida aos 7.500 autónomos dados de alta no Concello e cuxa redución de ingresos non sexa cuberta polo Estado. Tamén sería dun 30% deses ingresos.
LÍMITES. En ambos os casos, tanto no dos traballadores afectados por Ertes como no de autónomos, as previsións que se estudan, e a falta de precisar os números, terían límites, tanto temporais como de cantidades: un máximo de dous meses e de 2.000 euros por persoa entre ambos os meses.
Esta foi só unha das medidas que se analizaron na mesa de nbsp;segundo&informou o Concello, nace con vontade de converterse nun instrumento de contacto directo co tecido produtivo lucense durante esta crise. Na videoconferencia participaron representantes da Confederación de Empresarios, a Federación de Comercio, a Asociación de Jóvenes Empresarios, Lugo Monumental, In Itíneris, Mujeres Empresarias, Empresarios de la Hostelería, Asociación de Autónomos e Asociación de Empresarios de O Ceao y As Gándaras.
"Tratar de acompañar e apoiar a todo ou tecido produtivo de Lugo nesta situación de crise para que a travesía sexa menos dolorosa"
OUTRAS MEDIDAS. Lara Méndez explicou algunhas das medidas xa adoptadas polo goberno local co fin de que poidan dispor de maior liquidez para afrontar esta situación durante o tempo que dure o estado de alarma, como o adiamento do cobro dos 22 millóns que se recadan do Ibi, a exoneración do pagado dos alugueres municipais a empresarios e placeiros ou a suspensión das liquidacións polo cobro das terrazas, entre outras taxas, así como o compromiso do pago de todas as facturas do Concello cos seus provedores nun prazo inferior a dous meses.
"Trátase de acompañar e apoiar a todo o tecido produtivo de Lugo nesta situación de crise para que a travesía sexa menos dolorosa e de adoptar xuntos as actuacións que permitan dinamizar a economía local de xeito que poidamos saír reforzados", explicou Méndez.
